KRISTO ZERURA

Ba zoaz, Artzai ona,

ibar beltz, sakon ontan taldea

negarrez utzi eta,

egurats garbi zear

egiñik betiko atseden-bidea!

Lenago alai ziranak,

eta gaur illun et'atsekabe,

Zure altzo beroan

azi izanen zentzunak,

nora egiñen yadanik Zu gabe?

Arpegi eder ori

ikusi dutenak, zer ere besteri

so eiñen miñik gabe?

Zure mintzo eztia

entzun ondoren, zer ez sorreri?

Orain itxas sumiñaz

nor jabeturen, aizete latza

nork emaraz dezake?

Zu kuku egonik, ontzia

nork eramanen zuzenez kaiarantza?

Poz ain laburraz bekaitz

aizen odeia, zelan aiz minduri?

noruntz oa ain ariñ?

I, bai, jori oana,

gu onen itsu utziaz, ain urri!