ERESIA

 

Gaur murgildu naiz

biribilka,

itsu,

jakin gabe,

ene bihotzaren erdian;

gaur amildu naiz

errurik gabe,

kontzientziak duen

ohizko eresian.

Ixil ixilik noa

bururik altxa ezinean

begi ihintzaren artetik

gaur eguzkiak ez du

ni argituko nauen

soseguzko izpirik.

Ipar haizeak

hezetua dit

herrestaduraz barrena,

itzalia da

beltzezko hilohean

esperantzaren izarra;

erosotasuna bada

ilusioaren galtzaile

ez dut

erosotasunik nahi

gezurrezko inguruan.

Ez nuke nahi

geroz bihar

amesgaiztoko

izar gabeko gauarik,

ez,

etzi bihotza

fruitu gabeko arbolik.