IZARRIK GABEKO GAU BATEZ

 

Izarrik gabeko gau batez

ikusi nuen

lehenengoz indargabe,

amonaren malkoa;

hezurretan belauneko

baserriko atarian,

hatzen korapiltasunean

nahasturik

zilarrezko arrosarioa.

 

Izarrik gabeko gau batez

jakin nuen

lehenengoz

zer zen

libertatearen heriotza:

heriotz beltza,

izarrik gabekoa

eta jakin nuen

gauez jantzitako lapurrek

eraman zidatela

aita.

 

Lapurtu zidaten harekin

irriaren dizdirazko hotsa,

ilusioaren goizeko ametsa,

eta

txertatzen ari zen

maitasun baten

lehen larrosa.