Itzaleko hitzak
Mirari Garcia de Cortazar

Euskaltzaindia / BBK, 1995

 

 

EHIZTARIA

 

Lehen orduko lanbroa

mendi gain zorrotzetan,

eguzki izpiak mehe

egunaren lotsatan,

hosto hauskorrak

ozen

salatari oin azpian,

dizdirazko pagoetan barrena

arma bizkarrean daramala

lerden ehiztaria.

 

Hezetasun usaina airean

gabeko ihintzarena,

agur bat adarrean

mutiri

urtxintxarena,

hestua arnasa ehiztariarena

haizean oihartzuntsu dardarra

botatako tiroarena.

 

Itzaleko hitzak
Mirari Garcia de Cortazar

Euskaltzaindia / BBK, 1995