ZURE AHOZ

 

Zure ahoz ahal bazenu

nirea muxuz garasta,

nire ezpainak nahi nituzke

jaberik gabeko

zure muxuen portuan

paperezko lokarriz lotu,

nire begiak nahi nituzke

soslaiz,

betsein zeureen

ispilu freskagarrian

babestu,

erditzalean

izan daitezen

sutsu,

izarren ezkutaldian

ilusioan malats.

Zure ahoz ahal bazenu

nire bakardade zaharkitua

hitz kautuz uxatu,

losinduko nituzke nik

hatsez,

ezerezak urriki gabe

dardaratzen dituen

esku txikiak,

esku samurrak,

esku beltz biluziak,

hondamendian etsitako

malurazko eskuak.