HITZAK

 

Nik idazten ditudan hitzak

haizeak daramatza

jatorririk gabeko

sentimenduen kabira;

zaporerik gabeko

malko galduen erresumara.

 

Nik idazten ditudan hitzak

esamoldeak etsai dituztelako,

ez dira,

usadioak zorrotz ezarritako

forma zurrun baten menpeko.

 

Nik idazten ditudan hitzak

nireak ez direlako

beste baten bihotzak

beretzen dituelako,

ez naiz,

haien doluen errudun.