Santa Engrazi
Junes Casenave

2006

 

 

2. jelkaldia

 

Jelki Engrazi, aita eta ama, Luisa,Xexili,
Laurentx, Lupertze, Publio, Matutino, Fauze esküin

 

         Engrazi

Ene aitama maiteak,

zoin goxoki giren etxen!

Züen maitarzün eztiak

bailakatürik niz heben.

 

         Ama

Zü zirade guretako

ürre ederren bakoitxa;

Guri so gozatzen düzü,

arren, zure begi beltxa.

 

         Aita

Gük zernahi galteginik,

behatzen gitzaizü beti.

Ene haurra, izan zite,

orano hobe jagoiti.

 

         Engrazi

Ez neikezüe eman nahi

arrankürarik batere,

Maitagarri izan nadin

züekilan gero ere.

 

         Ama

Orotan gogor dütüzü

bizi dütügün egünak;

Zer ez dü egarten, orai,

üngürüan, jente honak!

 

         Aita

Ikasi dizügü, gük ja,

behar dügüla bühürtü,

Nekezier bürü eman,

güzieki arrolatü.

 

Oro joan

 

Santa Engrazi
Junes Casenave

2006