SAGARDI LORETSUAK

Ikusi zaituztet, sagar loretsuak,

Adarrak zabalik, eskeinka bezala,

Orri legunetan, bere muin sutsuak

Egunaren aitak yartzen zituela.

Orri bakoitzean dakust orbantxoa,

Odol gorriazko tanto bat iduri.

Nere gogamena ordun minez doa

Egaka zugana, Erri maite ori.

Elur bezin zuri kolko txukunean,

Odola daukazu, gorri-eketsua.

Ta zure zauriak sendatu artean,

Oi Aberri maite, negoke mindua.

                        Yakintza, 1935