URRETXINDORRAK IGESKA

                Lizardi ta Bedoñaren oroiz.

Basoan ibili naiz oro zan ixilik

Nere urratsen ots soilki al izan dutentzun,

Noan zainaren gana, galde egingo diot.

Ea bazter oketan ekus ote ditun.

—Esan Lorenzain orrek,

Baratze ontako

Urretxindor bikainak,

Arren nontsu dira?

Emen abaro oketan

Len ikusten nitun.

Gaur, ordea, alperrikan

Nabil orron bira.

           Oi,

           Oi,

        Yoanak baitira!

—Biotz mindua dezun

Bidazti gaxoa:

Egaka urretxindorrak

Emendik itzuri.

—Itzuri! Ta aien txintak

Akitu zaizkigu?

Berriz ez dantzukegu

Aien abots guri!

           Oi,

           Oi,

        Yoan dira itzuri!

Belarri okendako

Nun ots eztigarri?

Nork alaituko digu

Orain baso ixila?

Norantz itzuri dira?

Esadazu, arren,

Iradu bereala

Noakien bila.

           Oi,

           Oi,

        Basoaren ixila!

—Beiko lilitegiak

Betiko utzirik,

Iganak dira «Yainko-

Muño-gainetara»

An nai beste dukete

Goiko «zorun-ardo»

Urtzik sartu baititu

Bere mastitara

           Oi,

           Oi,

        Zeruko goitara!

Lorezain Done Orrek,

Goiko Yaun zerana,

Zugana badituzu

Abesle bikainak,

Egorzkiguzu, otoi,

Aien ordezkoak

Abesteko Aberri-

Berpizkunde-minak.

           Oi,

           Oi,

        Gure lor saminak!

Basoan ibili naiz, oro zan ixilik.

Nere urratsen ots soilki al izan dut entzun.

Urretxindorren kabi epelak uts-utsik

Urretxindorren kabi epelak uts-utsik.

                        Yakintza, 1933