LORE BIKAÑA

                Saitzar'tar Maite neskatil eder-begikoari, biotzez.

Neguan gaudelarik,

Nere aurrean,

Lore bat agertu zait,

Sasi batean.

Eguneko arazo

Amaitu ostez,

Xoko ontan ikusten dut

Pozaren-pozez.

Orriak zuri-gorri,

Mimiko musker,

Bai aratz ene lili!

Bai txukun-eder!

Bekoki legunean,

Islatsu ta argi,

Intzezko tantotxoak,

Goizeko bitxi.

Adartxo bigunean

Aizek darabil

Eta aren bilaldean

Txoridi dabil.

Oi, lore bikain ori,

Zure urretxindor

Ai nendi abesteko

Gauero pozkor!

Ekaitza datorrela,

Gogor-beltzuri,

Eskein al banizazu

Aterpe guri.

Nere ego arroetan

Maitez zaitzeko

Ta erauntsi bizkorraz

Begiratzeko!

Lenago zilatuko

Ene bulartxo

Tximistak, uki baino

Zure orritxo.

Bainan lorezainen bat

Ene, datorke,

Ta egun batez urrun

Bazaramake.

Xoko atsegintsura

Ordun natorke

Ta adar bigun gainean,

Oi, ez zagozke.

                        Yakintza, 1934