BIOTZEAN MIN DUT (ILETA-ERESI)

                Gure Lizardi aundiari gogo minduaz

Biotzean min dut, min garratz-aundia

Negarra darie nere begi oki.

Enarak datozen garaiez il zaigu

Ain maite genuan olerkari aundi.

Ezta berriz yoango

Sagar loretsura,

Neskats urdin iantzia

Maitez agurtzera.

Ezta berriz sartuko

Baso itzaltsu artan

Andereño beltxeran

Itzal, laztantzera.

           Oi,

           Oi,

        Ler adi, biotz!

Urretxindor gaxoa

Betiko ixildu da.

Bere txinta bikañak

Akitu zaizkigu.

Ene, zein ituna dan

Bera bear auxe!

Alako altxor auxe

Alako altxor aundi

Orren goizik galdu!

           Oi,

           Oi,

        Ler adi, biotz!

Enarak badatozke

—Egoak ikara—

Adizkide urretxindor,

Oi zuten lez, bila.

Adizkidea, baina,

Il zaiela-ta, aurten

Ilobi otz gainean

Abestuko minez,

           Oi,

           Oi,

        Ler adi, biotz!

Agur —itun diotzut—

Olerkari maite!

Agur, gure Lizardi

Egun aundira arte!

Biotzean min dut, min garratz-aundia.

Negarra darie nere begi oki.

Ez gaitzakaan aztu, Yainko gainetara

Igoteko utzi gaitukak, Lizardi!

                        Yakintza, 1933