NOLETAN GERO?

                I

Noletan zure atsegin-jaiak...?

Noletan zure zorun-eztaiak...?

                Zer dezu, Artzai Ona?

                Nola gaur abeska...?

                Nola zure biotza

                maitasun-gañezka...?

Ikus ziñudan mendirik-mendi,

ikus ziñudan oiuka larri...

                Malko sendo, garratzak

                ixil zerorzkizun.

                Naigabe latzen batek

                nunbait mintzen zindun.

Amiltegi ta leize-ondarrak

gartu zituen zure negarrak...

                Xamurtu nindun zure

                naigabe zorrotzak...

                joranez zerraikizun

                urrundik biotzak...

Eskutu ziñan tontor ostean,

txistu ta oiu bart arratsean...

                Mendi orpoan berriz

                zegon artaldia,

                orruka, noiz ote zan

                biurtzen Artzaia...

Nola gaur zure malkoen ordez,

abeska zakust pozaren pozez...?

                Nola biotz-arantzak

                lore gaur biurtu...?

                Nola barren odeiak

                leñuruz urreztu...?

Noletan zure atsegin-jaia...?

Noletan zure zorun-eztaia...?

                Zer dezu, Artzai Ona?

                Nola gaur abesten...?

                Nola zure abotsa

                ezti da biurtzen...?

                II

Lertu naiezka daukat biotza,

agertu da-ta nere bildotsa...

                Urrundu bazitzaidan

                atzo artaldetik;

                gaizkatu det gaxoa

                otsoen mendetik...

Arnas-estuka, odolustua,

illurren zetzan bildots galdua...

                Tantoka zerorkion

                tantoka... odola;

                ta artu nuen lepoan,

                odol zeriola...

Osotu nion saiets-ezurra...

Urrindu lorez ille kixkurra...

                Besoetan daramat

                maitetsu laztantzen,

                beste ardiak ere

                alaitu ditezen...

Nolaz ez egin atsegin-jaia...?

Nolaz ez egin zorun-eztaia...?

                Gertuko diot orain

                bazkari galanta,

                poztu gaitezen denok

                bazkari au jan-ta...

Lertu naiezka daukat biotza,

agertu da-ta nere bildotsa...

                Nolaz ez gero, seme,

                nolaz ez abestu,

                illik neukan bildotsa

                gaur badet arkitu...?

Zeruko Argia 151, 1931ko uztaila, 100. or.