FAMA ANDIA ZATOZ NIGANA

              Loa de las damas y galanes vascongados

Fama andia zatoz nigana

arren zaakit lagundu

mundu guztiko erreñuetan

laster egizu famadu

txoriak eta tortolatxoak

gura deusut agindu

gure erriko abantajaok

daikezula kantadu

oi onezkero goxozetan da

kantu dulzeaz loadu

jaun zerukoa nik errazoaz

beti zaidaz loadu

zerua eta izarrak bere

oita ze bitez ixildu

isasoorrek horbe guztiaz

beti zagie laudatu

zegaiti dozun Euskel Erria

ainbat bentajaz dotadu

isasoori tinta balidi

zeru zabala liburu

oi Arabako abantajaok

ezin litezke kontadu

jente noblea ezin nesake

bear deustazu parkatu

flakezeonen bildur nax baia

oita gura dot azartu

Barrundiako dama galantak

esaten irakastazu

Axparreneko larrosatxoak

geraziea indazu

morroe galant estiraduak

oi defendidu nagizu

oi Gaztelako errege jauna

erregiagaz ikasu

zeure kortean dama ederrik

nola bapere ez dozun

zegaiti Euskel Errian dira

eder guztiok dotadu

ene berbaok jente noblea

ze daidizu pensadu

neure erria alabazerren

nik ditudala finjidu

badanik bere jakin egizu

oita naxala fundadu

oi antxinako liburuetan

zeñetan ditut ezautu

Euskel Erriau oi nola eben

errege batek pobladu

jente noblez da lenguajeaz

zenak eusten agindu

zeruko jaunaren fede santua

oi legiela kunplidu

oi Salamonek eskribizen dau

jente noblea jakizu

bere bizian oi ez ebela

jente obarik topadu