XV.
AMA BIRJINAREN BEZPERAK

        Pater Noster, etc., Ave Maria, etc.

        DEUS in adjutorium meum intende.

        R. Domine, ad adjuvandum me festina.

        Ý Gloria Patri, et Filio, et Spiritui Sancto: sicut erat in principio, et nunc et semper, et in secula seculorum. Amen.

PSALMOA 109.

        DIXIT Dominus Domino meo: * Sede à dextris meis.

        Donec ponam inimicos tuos * scabellum pedum tuorum.

        Virgam virtutis tuæ emittet Dominus ex Sion: * dominare in medio inimicorum tuorum.

        Tecum principium in die virtutis tuæ in splendoribus sanctorum: * ex utero ante luciferum genui te.

        Juravit Dominus, et non pœnitebit eum: * tu es Sacerdos in æternum secundum ordinem Melchisedech.

        Dominus à dextris tuis, * confregit in die iræ suæ reges.

        Judicabit in nationibus, implebit ruinas: * conquassabit capita in terrâ multorum.

        De torrente in via bibet; propterea exaltabit caput.

        Gloria Patri... Sicut erat...

PSALMOA 112.

        LAUDATE, pueri, Dominum, * laudate nomen Domini.

        Sit nomen Domini benedictum, * ex hoc nunc et usque in seculum.

        A solis ortu usque ad occasum, * laudabile nomen Domini.

        Excelsus super omnes gentes Dominus, * et super cœlos gloria ejus.

        Quis sicut Dominus Deus noster, qui in altis habitat, * et humilia respicit in cœlo et in terrâ?

        Suscitans à terra inopem, * et de stercore erigens pauperem.

        Ut collocet eum cum principibus, * cum principibus populi sui.

        Qui habitare facit sterilem in domo, * matrem filiorum lætantem.

        Gloria Patri... Sicut erat...

PSALMOA 121.

        LÆTATUS sum in his quæ dicta sunt mihi; * In domum Domini ibimus.

        Stantes erant pedes nostri * in atriis tuis, Jerusalem.

        Jerusalem, quæ ædificatur ut civitas, cujus participatio ejus in idipsum.

        Illuc enim ascenderunt tribus; tribus Domini; * testimonium Israël; ad confitendum nomini Domini.

        Quia illi sederunt sedes in judicio, * sedes super domum David.

        Rogate quæ ad pacem sunt Jerusalem; * et abundantia diligentibus te.

        Fiat pax in virtute tua, * et abundantia in turribus tuis.

        Propter fratres meos et proximos meos, * loquebar pacem de te.

        Propter domum Domini Dei nostri, * quæsivi bona tibi.

        Gloria Patri... Sicut erat...

PSALMOA 126.

        NISI Dominus ædificaverit domum, * in vanum laboraverunt qui ædificant eam.

        Nisi Dominus custodierit civitatem, frustra vigilat qui custodit eam.

        Vanum est vobis ante lucem surgere; * surgite postquam sederitis; qui manducatis panem doloris;

        Cum dederit dilectis suis somnum: * ecce hæreditas Domini, filii; merces, fructus ventris.

        Sicut sagittæ in manu potentis, * ita filii excussorum.

        Beatus vir qui implevit desiderium suum ex ipsis: * non confundetur cum loquetur inimicis suis in porta.

        Gloria Patri... Sicut erat...

PSALMOA 147.

        LAUDA Jerusalem Dominum * lauda Deum tuum, Sion;

        Quoniam confortavit seras portarum tuarum: * benedixit filiis tuis in te;

        Qui posuit fines tuos pacem, et adipe frumenti satiat te;

        Qui emittit eloquium suum terræ, * velociter currit sermo ejus;

        Qui dat nivem sicut lanam, * nebulam sicut cinerem spargit.

        Mittit crystallum suum sicut bucellas; * ante faciem frigoris ejus quis sustinebit!

        Emittet verbum suum, et liquefaciet ea: * flabit spiritus ejus, et fluent aquæ.

        Qui annuntiat verbum suum Jacob, * justicias et judicia sua Israël.

        Non fecit taliter omni nationi, *et judicia sua non manifestavit eis.

        Gloria Patri... Sicut erat...

        Ab initio, et ante sæcula creata sum, et usque ad futurum sæculum non desinam, et in habitatione sancta coram ipso ministravi.— Deo gratias.

HIMNOA.

                AVE, maris stella,

                Dei Mater alma,

                Atque semper virgo,

                Felix cœli porta.

                Sumens illud Ave,

                Gabrielis ore,

                Funda nos in pace,

                Mutans Hevæ nomen.

                Solve vincla reis,

                Profer lumen cæcis,

                Mala nostra pelle,

                Bona cuncta posce.

                Monstra te esse matrem

                Sumat per te preces

                Qui pro nobis natus,

                Tulit esse tuus.

                Virgo singularis,

                Inter omnes mitis,

                Nos culpis solutos

                Mites fac et castos.

                Vitam præsta puram,

                Iter para tutum;

                Ut videntes Jesum,

                Semper collætemur.

                Sit laus Deo Patri,

                Summo Christo decus,

                Spiritui Sancto,

                Tribus honor unus. Amen.

        V. Dignare me laudare te, virgo sacrata.

        R. Da mihi virtutem contra hostes tuos.

AMA BIRJINAREN KANTIKA.

        MAGNIFICAT * anima meam Dominum.

        Et exultavit spiritus meus, in Deo salutari meo.

        Quia respexit humilitatem ancillæ suæ: * ecce enim ex hoc beatam me dicent omnes generationes.

        Quia fecit mihi magna qui potens est: * et sanctum nomen ejus.

        Et misericordia ejus à progenie in progenies, * timentibus eum.

        Fecit potentiam in bracchio suo: * dispersit superbos mente cordis sui.

        Deposuit potentes de sede: * et exaltavit humiles.

        Esurientes implevit bonis: * et divites dimisit inanes.

        Suscepit Israël puerum suum: * recordatus misericordiæ suæ.

        Sicut locutus est ad patres nostros: * Abraham et semini ejus in secula.

        Gloria Patri... Sicut erat...

SALVE REGINA.

        SALVE, Regina, Mater misericordiæ; Vita, dulcedo et spes nostra, salve. Ad te clamamus, exsules filii Evæ. Ad te suspiramus gementes et flentes in hac lacrymarum valle. Eia ergo, advocata nostra, illos tuos misericordes oculos ad nos converte: et Jesum, benedictum fructum ventris tui, nobis post hoc exilium ostende: ô clemens! ô pia! ô dulcis Virgo Maria?

        V. Ora pro nobis, sancta Dei Genitrix.

        R. Ut digni efficiamur promissionibus Christi.

        Orazionea. Omnipotens sempiterne Deus, qui gloriosæ Virginis Matris Mariæ corpus et animam, ut dignum Filii tui habitaculum effici mereretur, Spiritu Sancto cooperante, præparasti: da, ut cujus commemoratione lætamur, ejus pia intercessione ab instantibus malis et à morte perpetua liberemur. Per eundem, etc. R. Amen.

        Divinum auxilium maneat semper nobiscum. R. Amen.

REGINA CŒLI.

                Regina cœli, lætare, alleluia,

                Quia quem meruisti portare, alleluia.

                Resurrexit sicut dixit, alleluia.

                Ora pro nobis Deum, alleluia.

        V. Gaude et lætare, Virgo Maria, alleluia.

        R. Quia surrexit Dominus verè, alleluia.

        Orazionea. Deus, qui per Resurrectionem Filii tui Domini nostri Jesu-Christi, mundum lætificare dignatus es; præsta, quæsumus, ut per ejus genitricem Virginem Mariam, perpetuæ capiamus gaudia vitæ. Per eundem, etc.