ERO BATEN KANTUA

lurraren erraietatik

erro guzien zainetatik

oihu bat, oihu lazgarri bat

munduaren barne-zolatik

erotzen nago

eltzagor belarriak

odola, odola ibaika

amilka

lurrari gainezka

sumendi-galda bezela

gero ta hurbilago...

erotzen nago

hormari kontra ukabilka

zuri

neri

guri

orori

    aita

        ama

              anaia

                    arreba...

digute porroka

erotzen nago

koloka

aldaroka

oihu bat, oihu lazgarri bat

lurraren erraietatik

mundearen barne-zolatik

dator amilka...

erotzen nago

ixo... ixo...

        berde zan

        berde

        belaze bat bezela

        zilar

        ur garbia bezela

        urdin

        ametsa bezela...

        baina ezta geroztik berde

        ezta zilar

        ezta urdin

        begiok lokaztatu dira...

oihu bat, oihu bat lazgarri

ama guzien begietan

hitz urratu guzietan

lehertu da

dolar-pilla otsetan

TIO SAM

Vietnam

jan da jan

pizti tzar atzaparretan

hilketan

arrapaketan

han...

han...

        garbi zan

        garbi ibaia

        garbi

        ume baten gogaia bezela

        garbi

        zuhaitz baten sustraia bezela

        garbi

        ama baten sabela bezela...

        baina ezta geroztik garbi

        da bilakatu lohi

        du irentsi pozoi...

        baina haurrak beti garbi gogaia

        baina zuhaitzak beti bizi sustraia...

        ai! haurren begi argiak

        begi urdin, begi ñabar,

        begi berriak...

        haietan egaka txoriak

        maite zituen argiak

        ai! haurren begiak

        eztira gehiago argiak

        Johnsonen hortzetan daude josiak...

        ai! oihu, oihu lazgarriak

        gortzen dizkit belarriak

        erotzen nago

        ixo... ixo...

berde zan, berde arrai

bihotzaren nahia

senargaia

andregaia

elkarren lehian ziran saia

oi! maitasun betearen mahaia...

jori zuten kantagaia

elkarri emanik bisaia...

baina ezta geroztik eztai

bata errizai

bestea erizai

irmo daude kontra dutela etsaia...

ai! ibai,

nola hoa horren nasai?

ai! odola, odol-ibai,

agortzen eztalarik goaia...

        oihu bat, oihu bat lazgarri

        lurraren erraietatik

        munduaren barne-zolatik

        dator amilka...

        erotzen nago

        ixo... ixo...