LOREA BEZIN TRINKO

lorea bezin trinko

altzairua bezin lehun

bedi zure bihotzondoa

gizona hegalda dedin.

beude gauean hiri nagiak

dilinda ibai-ertzetan

bego akordeoia ardo amorotsuz

hordituen eskuetan.

leher bedi bonba-pila

gizon odol-zaleen hortzetan.

urra bedi egunsentia

gizasemeen irrintziz

emasabel garbietan.

aro berria urratuz dijoa

golde berjabeen hildoetan

azitzen dijoa pozkarioz

izar-ontzien bidatsetan...

lorea bezin trinko

altzairua bezin lehun.