Eguzkiaren argitasunak

                                        Ortzetik zabal jatxirik

                                        Lurreko gauzak oro jartzen dauz

                                        Osasunagaz jantzirik

                                        Eguzkiaren argia bage

                                        Ezer eztaun lez bizirik

                                        Gure euskera zahar maite barik be

                                        Ezta euskotar herririk.

                                                                   Enbeita’tar Kepa

Nere hizkera zahar eder samurra

Maitatutzen det

Gogotik

Horregatikan beti-betiro

Idatzitzen det

Poz-pozik.

Ene amatxok haurtxo nintzala

Euskeraz zidan

Hitz egin

Nere laztana, izar argia...

Lo egin, lo-lo

Nerekin.

Nere amaren hitz samur haiek

Gaur maite ditut

Gehiago

Barru-barruan sartuak ditut...

Nik ezin ahaztu

Eundaino.

Bainan euskeraz idazten badet

Hau hori hura

Dala-ta

Norbaitek laister esaten baitit

Astia galtzen

Dedala.

Gure hizkuntz ona maite degunok

Astia galtzen

Badegu

Euskera zaharra maite ez dutenak

Zer eiten dute,

Goraldu?

Ez dute deusik inoiz goraltzen,

Jokoan txindi

Maiz galdu...

Gau ta egunez berak egiten

Dute astia

Hondatu.

Txinpartak
Klaudio Sagarzazu
Loyola'tar Eneko Deunaren Irarkola, 1922