|
Pierre Lhande S.J.
edestizundari argiari.
Gazte nintzala, egun haietan
Nola nintzan ni jolasten...
Samina zer zan ordun ez nekin
Betiro pozaz zoratzen
Betiro pozaz zoratzen.
Ostegunetan joaten nintzan
Aiton zaharraren etxera
Herritik urrin mendi aldera
Baserri zuri batera
Baserri zuri batera.
Huri, baso ta mendi-zelaiak
Zuri zeudela neguan
Aitonarekin egoten nintzan
Sukalde gozo beruan
Sukalde gozo beruan.
Berak abesten zitun abesti
Polit samurrak aditzen
Pozaren pozaz egoten nintzan
Asko ninuten alaitzen
Asko ninuten alaitzen.
Oroitutzen naiz oleski haiek
Zeinen ederrak ziraden!
Euskaldun ona baldin bazera
Entzun egizu bai arren
Entzun egizu bai arren.
Ene amaren begi samurrak
Betiko zazkit estali
Maiteņoaren begi tarteak
Behintabetiko itzali...
Behintabetiko itzali!
Ez aipa neri landa alaietan
Sortzen dan lili ederra
Otoi ez aipa... ur axalean
Arin dihoan ainara
Arin dihoan ainara.
Larrainetako haritz, gaztaina
Mendietako iturri
Horiek oro enetzat dire
Amets histu bat iduri
Amets histu bat iduri.
Ez ditut gehigo adituko, ez
Abesti alai ederrak
Nere aitona goizean hil da...
Agur oleski samurrak!
Agur oleski samurrak!
Orain aitonik ez daukat eta
Ni berriz zahartzen naiz hasi
Samintasuna baitator nigan
Zoruna joan da ihesi
Zoruna joan da ihesi.
Goiko Jaun ona: nitzaz erruki...
Oraindik hiltzen ez utzi
Aiton zaharraren oleski onak
Abestuaz nahi det bizi
Abestuaz nahi det bizi.
Donostia'n 1920g. urtean Euskal-Itz Jostaldien Batzarreko
indar-neurtzetan saritutako olerkia.
| 
