Baitakit hemen behean, herrian

Gaur ez dedala zorunik

Beti nahigabez ta neke pean

Ez det inondik pozarik

Ez det inondik pozarik!

Mendi-mendian neretzat dago

Zorioneko gentz ona...

Han goian ez det izaten hemen

Beheko bizitz hain iluna

Beheko bizitz hain iluna!

Pozik joango nintzake orain

Bertan han goiko mendira

Ai!, bainan hemen herrian dago

Amatxo nere begira

Amatxo nere begira!

Ama maiteak min duela-ta

Gaur arkitzen naiz herrian

Euskadi gaixo dagon artean

Ni ezin bizi mendian

Ni ezin bizi mendian!

Hemen ez ditut inoiz ikusten

Txoriak sasi gainean

Hemen txoriak, ai!, beti dagoz

Negarrez kaiol barruan.

Negarrez kaiol barruan!

Hemen euskeraz mintzatzen naiz-ta

Par egiten dit osteak

Han goian oihu egin nik eta

Erantzuten dit mendiak

Erantzuten dit mendiak.

Hemen ez naute inoiz maitatzen

Usotxo polit txuriak...

Mendian berriz eginaz be... be...

Agurtzen naute ardiak

Agurtzen naute ardiak.

Hemen itunki arkitutzen naiz

Lagun ta aiskide artean

Alai ta pozez bizitzen naiz, bai

Bakar-bakarrik mendian

Bakar-bakarrik mendian.

Anai maiteak lagundu behar

Nauzute Ama jasotzen

Euskal-Herria jarri dezagun

Alai ta pozez zoratzen

Alai ta pozez zoratzen.

Orduan ezer egitekorik

Ez dedanean herrian

Joango naiz bai goiko mendira

Bizitzera gentz onean

Bizitzera gentz onean...