Baroja'tar Pio edestizundari ospetsuari.

         Udaberriko

         Arratsaldea...

 Arratsalde on alai argia

         Euzki ederrak

         Bere izpiakin

 Urrezten baitu lur hau guztia.

         Hodeirik ez da

         Inon ageri...

 Urdin ta garbi baitago ortzea.

         Guztiz ederra

         Ta alaia da, bai

 Udaberriko arratsaldea!

         Jauregi eder

         Bat ikusten da

 Mendi bikain batzuen ondoan

         Uso zuria

         Bezelakoa

 Zelai zabal berdinen grainean.

         Itzea izena

         Du jauregiak

 Eta beraren atze aldean

         Baratza bat da

         Usaidun lili

 Txit politak ditula inguruan.

         Baratz horretan

         Arkitzen dira

 Pinpilinpauxak eta erleak

         Baita be pozik

         Bizitzen dira

 Bertan txori kutun maitaleak.

         Harizti eder

         Haundi batean

 Kuku ona abesten dago ku-ku...

         Eta Itzeako

         Baratzan txori

 Samurrak diote txotxi, Pio..

         Jauregi eder

         Antzinakoan

 Gizon txit jakintsu bat bizi da.

         Bidasoako

         Txapelaundia

 Edeztizundari ezaguna.

         Udaberriko

         Arratsaldean

 Berako hurira naiz etorri

         Ta leku alai

         Hau ikusirik

 Agur dagiot gaur Barojari.