Bi ume gaixo

Etorri dira gaur isil nere

Etxera

Zikin-zikinak

Etorri dira negarrez neri

Deitzera.

Bi ume, horren

Gaixo ikusirik, nere bihotza

Mugi da

Aurpegitxoak

Zituzten zuri, hotzez zegozen

Dardarka.

Gogoz galdetu

Diot beudeki esateko zer

Nahi duten

Eta erantzun

Didate Ogi pixka bat behar

Lehenbailehen.

Errukiturik

Eman diotet neukan jakitxo

Pizarra:

Izan ere, ai!

Gaixo haiek bazuten zerbaiten

Beharra.

Zuek, aberats

Latzak: zeinentzat, noizko dezute

Txindia?

Ez izan bihotz

Gabeak...! Piztu, alaitu txiro

Maitea...!