Egun batean bildurgarrizko

Oihu haundi bat zan entzun

Aleman txarrak Prantziko lurran

Sartu zirala edonun

Sartu zirala edonun...

Eskualdunak izaki bainan...

Jun egin behar gudara

Agur betiko ama maitea

Baguaz txit urrutira

Baguaz txit urrutira...

Gudara junda beti burrukan

Aleman indartsuekin

Bainan etsaiak ezin behinere

Nahi zunik egin gurekin

Nahi zunik egin gurekin...

Bost urte gudan igaro eta

Burrukan genun ikasi:

Aleman txarrak azkenik gero

Laister jun ziran ihesi

Laister jun ziran ihesi...

Euskal Herrira etorri ginan

Alaitasunez beterik

Ama maitea laztandutzera

Gogo ta bihotz guztitik

Gogo ta bihotz guztitik...

Orain pakea degula-eta

Lan egin behar gogotik

Lehengo baserri zelai gaixoak

Edertu ditzagun gaurtik

Edertu ditzagun gaurtik...

Gudan arkitu geran artean

Herria zaigu txit ahuldu

Euskal semeak denak batean

Berriz jaso behar degu

Berriz jaso behar degu...

Mintza gaitezen beti euskeraz

Anai aiskide lagunak

Maitatuz alkar lan egin gogoz

Aurrera eskualdunak!

Aurrera eskualdunak!

                                           Bidasoz andikako Yoldi'ko euskal jaietan saritutako olerkia.