Huntza urdinduaren

azpian, zein itzal?

lorategi urbanoen

ertzean, zein landare?

zein itsaso

itsasoa estaltzen duen

zementu-hormaren atzean?

argia kamino ahaztuetan bakarrik

da aldakorra,

etxe eta billa zahartuen gibelaldean

porlanaren erraietatik sortutako

hatzaparraren loreak

publizitate balla utziak baino tristeagoko

euri guztien

eta udaberrien

memoria gordeaz

sensazio sekundarioen ahulezia

dutenak, isiltasuna dutenak

zein isiltasun?

Luzamenduzko heriotzatik

harresietan eraiki duten

etorkizunaren despreziotik

bizi direnak, zein babes,

zein magal?

bizitza bat eserita ikustekoa,

bizitze bat mutu entzutekoa,

gatazka guztietatik desitsasita

malko aukeratuen bilduma egiteko

zein oinaze?

itzalaren itzalak gutiziatzen duena.