Parentesiak (etabar)
Joxean Muņoz

Hordago, 1984

 

 

Zuhurtasunarenetik esan zidan

(eguraldiaren erraietan arratsalderik oparoena)

hitz aspertuak «zera», «ba dakizu»

arruntkeriak

putzuz betetako eguerdia,«ahaztu»

eta amor emateko orduan,

patxadarenetik

«zer moduz» (esan zidan)

nik Akuarium-aren argazkia buruan

(letra maiuskulaz ACUARIUM jartzen duen hori)

erantzun nezala (eta itsasoa)

dena arrazoiaren arau

baian ezin despedituak bultzatzen ninduen eta

ordubietako farolen dotoreziak,

nik ba nekien une oro bazkatzen dela

bere izen propiotik,

etxeetan zilarraren kolorea nagusi

eta tulipan faltsoak ere

polikiago zimelduko dira

argi habitualaren ertzetan, eguerdian

alegia,

eta «nahi duzun arte» esan zidan «nahi duzun bezala, bai»

ezer ez, alegia,

(betikoa)

hasiera guztietatik bazkatzen den amaiera.

 

Parentesiak (etabar)
Joxean Muņoz

Hordago, 1984