Eguzki oro da itzalaren seinale

Kheops eta Kefren eta Mikherinos

nork ohostu zizuen hutsunearen eskubidea

nork profanatu zituen gelaz zuen sabelak

kamarez eta pasabidez, nork

irudi, hezur, urre, zuen itzalak zirtzilatu.

Orru egiten du,

Kheops, kexu dagi

Kefren,

arratsaldeek deuseztatzeko duten gelditasun infinitoaz

palmondoetan minberatzen den

desertu-haize ezkatatuak.

Non utzi zenuten desagertzera

eguzki ororen aginduko itzala

hutsunerik sarkorrena:

        —Mikherinos——

iluntasuna

        -ren

            itzalaren argia.