Gauean ontuts
Jakes Ahamendaburu
Maiatz, Uhargi 22, 1990eko apirila

Taberna hezetsuan

sartu nintzen azkenean

eseri egin

eta garagardo bi eskatu

Erloi higatuaren orratzek

itzuli bi zituzten eman

Biarnes alde honetako

unerik aspertsuenak

bietan iragarrita

Leihoan txori kaiolatu bi

negu olerkitsuari kantuz

Ortzi erreari

morea zerioan...

                    ...geure azal bi nekatuei

                    enegua bezala

Ezer esan barik

bietan so egin nion

eta inon ez banengo lez

alde egin nuen...

Gauean ontuts
Jakes Ahamendaburu
Maiatz, Uhargi 22, 1990eko apirila