Gauean ontuts
Jakes Ahamendaburu
Maiatz, Uhargi 22, 1990eko apirila

Nahi nuke

zure azal laztangarria

nire azkazalen kexuaz

kirrimarratu.

Nahi nuke

zure hanken itzulian

nire egonezinarik

jasangaitzena

ozkatu.

                        Gaben atzekaldean

                        soin has-hasen

                        lehen izualdia,

                        larru berexte ondoko

                        isiluneen urragaitza,

                        besarkada tirrigarrien

                        efemeroa,

                        zure arrosaren limurria

                        nektar gaziegia,

                        hainbat fereku

                        hainbat sekretu

                        eta debeku...

Ikus itzazu

gauak apa-apa

zein ixtiki datozen...

Zatoz zu ere

nire maitia...

Izar azpitan,

zure besoetan tinki tinki

berriro har nazakezu

eta zure ehi nakratuek

bakarrik dakiten moduan

karizia nazakezu,

berriro zure ametsak

konda zeniezazkidake...

Gauean ontuts
Jakes Ahamendaburu
Maiatz, Uhargi 22, 1990eko apirila