Gauean ontuts
Jakes Ahamendaburu
Maiatz, Uhargi 22, 1990eko apirila

Asekaitz eta ezaxolati

ginoatzin gauez gau,

ohez ohe amodiozko amets hausten...

Eta astiri motel huntan,

atzokoaz bezain oroit

gogoan barne daukat

sareratu ninduzun egunean

pauso neurtuaz

zoin ekuru etorri zinen

Zure arrosaren goxoa

iluntzero jastatuz,

izar bustien gordean

hainbat bider zorabiaturik,

biek larruhas

izerdiz izerdi

goizez goiz,

hainbat gau xuri

eta desertu zeharkaturik

Eta orain,

negu zahar huntan,

uhainak arroketan

haguntzen diren moduan

oro esne dagoz

gure larru mendekatiak

Asekaitz eta ezaxolati

ginoatzin gauez gau, ohez ohe

amodiozko amets hausten...

Gauean ontuts
Jakes Ahamendaburu
Maiatz, Uhargi 22, 1990eko apirila