Gauean ontuts
Jakes Ahamendaburu
Maiatz, Uhargi 22, 1990eko apirila

Edonon izan zaiten

zaitut nik bilatuko

non nahi gerta zaiten

zaitut nik aurkituko

Nora nahi joan zaiten

zaitut nik jarraituko

nor nahi izan zaiten

zaitut nik maitatuko

Irudi gau ezkila

gaur zein ilun naiten

esan nazazu nola

har dezaket atseden

Egiaren aurrez

ninduzun ahantzi

zu maita beharrez

zintudan biluzi

        ... nor ere baitzare

            herriko landare...

Gauean ontuts
Jakes Ahamendaburu
Maiatz, Uhargi 22, 1990eko apirila