Gauean ontuts
Jakes Ahamendaburu
Maiatz, Uhargi 22, 1990eko apirila

Zure nortasunaz

gauero asetu arren,

zure losin goixtiar eroek

goizero dautate

hameka pertsu kantatzen

bainan barda

eskuak mihise pean

ikarati zira gelditu,

bertze zerbaiten aiduru...

Hain astunak

eta batera arinak dauden

isilune izoztu haietan,

behako soil batez

adierazi dautazu

ez ninduzula

gehiago maite...

                      ...Negu langarra,

                          elurte gabeko

                          abendo batez...

Gauean ontuts
Jakes Ahamendaburu
Maiatz, Uhargi 22, 1990eko apirila