EUSKALDUNAK MORUEN KONTRAKO
GERRAN SENDATUTEKO
EUSKERAZKO BERSUAK

Guazan guazan mutillak

Guazan Afrikara

Moruakaz indarrak

Antxe neurtutera:

Agertu biar dogu

Marruekos aldian

Antxiñako euskaldunen

Seme ete garian.

Gaztelako mutillak

Moruakaz gerran,

Ta euskaldunak geldirik

Etxian jan ta edan?

Ez ez orrelakorik

Biar dogu izan

Aurrerenguak beti

Afrikako gerran.

Ikusten dan orduko

Morua aurrian

Sartu baijonetia

Bere bularrian:

Ta ez barriz gelditu

Imiñi artian

Danak luze luzerik

Lurraren ganian.

Zelako triskantzia

Moruen artian

Iminten bogu oñik

Guk ango lurrian!

Ikusirik bidetan

Moro aldrak illak

Diadar egin sendo:

Aurrera mutillak...

Ez bekijo besterik

Entzun gaur iñori

Berba bakar au baño:

Gerra moruari.

Ta ez baijonetia

Iñok sartu lekan

Mororen bat zutunik

Dagoan artian.

Ez dau biar atzera

Iñok begiratu

ezpada garianok

Ill, edo garaitu:

Milla arraijuetan...

Oraingo aldijan

Garai biar juagu

Europa guztijan.

Ez euki ez bildurrik

Euskaldun senduak

Lastertxu daukazubez

Goiturik moruak:

Areek baño soldadu

Errutsubagorik

Itxi dozube sarri

Lurrian etzunik.

Baldin gure artian

Badago koldarrik

Bijua bere etxera

Armia itxirik

Ez dogu emen biar

Mutil ollokirik

Morua ikusita

Bildurtuko danik.

Zubekgan imiñirik

Ta ondo josijak

Bere begijak daukaz

Gaur mundu guztijak

Zertzuk Afrika aldian

Ikusiko diran

Asirik euskaldunak

Moruakaz gerran.

Franzijako zuabuak

Laster dira Afrikan

Ikasten zubek gandik

Zelan egin gerran:

Vincennesko eiztari

Astin ta errutsubak

Gelditu biar dabe

Orain baztertubak.

Baña ez da egin biar

Gerria gorrotoz

Ezpada mesediak

Egiteko asmoz:

Orregaitik goiturik

Afrikan moruak

Egin biar ditugu

Zorijonekuak.

Erakutsirik eurai

Jesusen legia

Ta beragaz batera

Zeruko bidia:

Au egiten badogu

Orain moruakaz

Laster ditugu esker,

Ta eskumunakaz.

Denpora gitxi barru

Moruak goiturik

Etxeetara gara

Arro eta pozik

Geure garaitza andijak

Kontetara etxian

Etxeko ta auzokuai

Geure eskaratzian.

Zetarako da bada

Neure ama maitia

Ni juatia gaitik

Negar egitia?

Laster izango dozu

Semia etxian

Jaungoikoak nai badau

Umore onian.

Alanbere ez aztu

Iños bere nigaz

Bada nik besteainbeste

Egingo dot zugaz:

Sarri Jaungoikuari

Nigaitik eskatu

Len baño len gagizan

Alkarregaz batu.

Agur euskalerrija

Baguaz emendik

Etortia uste dogu

Garaitzaz beterik

Ementxe biziteko

Geure erri maitian

Pozik, gozaro eta

bake ederrian.