PERI-EGUN BATEN ONDORENAK

Gauza bat gertatu da

aurtengo urtian,

Arratzain deritzaion

baserri batian,

saltsa au izandu da

askoren artian...

portun ona gugandik

beti apartian.

Periyako gaba zan

señaladamente,

gabeko amabiyak

etziran aparte;

ojuka asi ziran

izugarri puerte,

etziran deskantsatu

sartu ziran arte.

Goitik bera jetxita

eman nuben prente:

«Mutillak, gisa ortan

zertan zabiltzate?».

Desordenak badakar

makiña bat kalte,

jo ta bota niñuen

bertan derrepente.

Biok asi giñaden

bultza edo tira,

indarra daukan onek

ez daukana jira;

fameliya geiena

negarrez begira...

oiek atrebentziyak

itxusiyak dira.

Ni nintzan kolpetuta

neretzat kaltian,

anparua ez nuan

guztiz apartian;

jendia juntatu zan

ixtante batian,

aplakatu genduben

guziyon artian.

Ollokiren semia

Martin Sagardia,

askok kalte izan du

zure pikardia;

pobriak altxatzeko

a ze alderdia!

Jaunak izan dezala

miserikordia.

Apetitu ona du

Jaunari graziyak,

gure ixkiñak ditu

ongi ikusiyak,

ustu esnez beteta

genduzkan paziyak...

orrentzat onak dira

jenero guziyak.

Nik biar zan lekura

eman nuben parte,

gauza zuzen dedilla

denbora zan arte;

barbero eta zibil,

alkate ta naste,

errejimentu ona

juntatu zan laiste.

Ogei ta launa bertso

kito buruz-buru

guk ere izan degu

orrenbeste modu;

iñork aurrerapenik

jartzen baldin badu,

Ostolazak zer egin

disponituko du.