BERTSO BERRIAK
IGELDOKO MIXIOA

        (1894)

Milla zortzireun kunpliturikan

larogei ta amalau urtian,

misionero bat izandu degu

bederatziurren batian,

trabaturikan baldin bagiñan

deabruaren katian,

libraturikan bide onian

betiko jarri gaitian.

Bikario jauna tokatu zaigu

kanpoetara juana,

asko beiñik-beiñ ondo dakigu

txit prezisua zuana,

desiatzen zan suerte on bat

allegatu da gugana,

egun oietan saia diteke

borondatia duana.

Jauregi jauna da Igeldora

orain etorri berriya,

misionero bat gure onagatik

daduka erakarriya,

anima asko nunbait sentitzen

etsaien mende jarriya

Don Franziskok gu salbatzeko du

deseo izugarriya.

Sazerdote bat Don Blas Pradere

Albisturko erretoria,

Aita Santuak emanik dauka

biar dan fakultadia,

emen jendia konbertitu du,

ori predikadoria!

bildur diranak animatzeko

badu abillidadia.

Abenduaren zazpiyan baizan

predikatutzen asiya,

gustaturikan geldituba zan

bistako jende guziya,

aundiya da orren doaia edo

itzegiteko graziya,

desiatzen dizkat osasuna ta

urte askoko biziya.

Inguru onetan egongo ziran

asko anima eritu,

bederatziurren osuan diye

mediku onak segitu,

saiatu eta satisfaziyoz

obeko degu gelditu,

enkargu ederrak eman dizkigu

iñork egin nai baditu.

Gure Don Blasen sermoi ederrak

dirade talentutsuak

zeiñ ez du bada konbertituko

orren izketa gozuak?

desterraturik utzi ditzagun

pekaturako pausuak,

ditxa eder au bialdu digu

gure Jaun amorosuak.

Desgraziarik aundiena da

anima kondenatzia,

Jesus maitiak irabaziya

nork bere faltaz galtzia,

uste ez dala etorriko da

eriotzako trantzia,

konbeni zaigu ditxa eder au

ondo aprobetxatzia.

Konfesio ona nola egiten dan

klaro asko du otsegiñ,

aurrenetikan azkeneraño

granorik ez du utsegiñ,

gauza guziyak presente dauzka,

badaki nola itzegiñ,

orrek dionez infernuetan

ez da izango atsegiñ.

Konfesio onak bost kondiziyo

faltarik gabe biaitu,

zirkunstantziya guziyak orrek

klaro itzegiñ nai ditu,

besteren aotik egokiyago

sekulan ez det aditu

orren burubak edo mingañak

fakultadiak baditu.

Konfesatuta zer egiñ ere

dauzka adieraziyak,

ez du egingo obra txarrikan

persona gogoz asiyak,

errezibitu Jaun aundiya ta

Berari eman graziyak,

beste munduban kobratuko'ira

emengo irabaziyak.

Pekatu errez egiten dala

konfesoriak badaki,

argalak ere asko gera ta

oso gaituzte erruki,

absolbituta bere ordenak

emango ditu egoki,

penitentziyak kunplitutzeko

kuidado aundi bat eduki.

Aurten Igeldon ditxa eder onek

guri egin digun sarrera!

desterraturik utzi nai degu

pekaturako karrera,

berriz ez degu mugitu biar

lengo oitura txarrera,

artu ditugun propositubai

segi zaiegun aurrera.

Pekatubaren mantxa dubenik

ez du artuko Zerubak,

peligro aundiyan arkitzen gera,

aska ditzagun burubak,

mantxa gaiztuak garbitutzeko

egiñ ditugu modubak,

goiko Erreinuan izan gaitezen

bienabenturadubak.

Negarrezko balle triste onetan

garbiyak izan gaitian,

bizitza onak pasa ditzagun

Jaunaren borondatian,

Aita San Pedrok sartu gaitzala

Zeruetako atian,

zoriontasunak gozatutzeko

eternidade batian.

Kandelariyoz badatorrela

berriz ere det aditu,

jende pobria izanagatik

berak nai digu segitu,

predikatzeko kapaz dan arte

ez dedillela gelditu,

guk naiko degu biaje asko

onera egiten baditu.

Mundu onetan egiñ biagu

guztiyok penitentziya,

beste munduban glori ontasunez

nai degu abundantziya,

bideko neke trabajuakin

ar beza pazientziya,

ez degu gutxi estimatuko

bedorren asistentziya.

Aurten Igeldon izandu dira

funtzio gustagarriyak,

daude fedeko misteriyuak

ederki irakurriyak,

Don Blas Pradere, beroren onran

euskeraz bertso berriyak,

orren talentuz gustaturikan

Udarrei zarrak jarriyak.