10. Beste osagarri batzuk

      Zeresanik ez, hornigai funtzional guztietatik aparte —boligrafo, koaderno, arkatz, klip, borragoma, grapa, karpeta, pendrive eta abar—, eduki beharrekoak dira paperontzia (kontuz, aldizka lehergailu bihurtu daiteke eta), birziklatze-kutxa (agian, akaso, beharbada, noiz edo noiz moldatzeko aukeraren bat duten paper muturren bankua), egutegia (edo denboraren esklaboen balada) eta botikina (bai idazlanak sendatzeko tresnaz betea: artaziak, pintzak, bendak, xaboia, alkohola, termometroa eta kotoia; bai idazlea suspertzeko medikamentuz hornitua: analgesikoak, "liburukominak" arintzeko, eta sueroa, pupuak garbitzeko).