LORESKIN JOTEN

Edurtzan zugatz ziar

dagir etxetxua.

Leyar garbi mosuka

dirdir dakust sua.

Abeslari diñarzu:

oldozkor kanpoan

entzuten ez dazauzu

nor ete dagoan.

Abes ori entzunaz

negar dagit miñez;

goguak dardar dagist

gomuta samiñez.

Otz naz... Edurra dagi.

Zuria dager lurra...

Mitxilotatxu eran

jausten da edurra.

Loreskin bolikitan

dabil negar otsa.

Nire ames ganera

erori da izotza.

Il-oroiak gogora

dustot dakarzela

zure abesti orrek...

Orren da zimela!

                        (Euzkadi, 1930, epailla, 11).