AD JESUM

Natus est nobis puer et venustus

parvulus, surgens teneris in annis

e sinu aurorae, roseisque manis

solis ab ortu.

Tu potes nubes oculis serenis

cernere et rivos vitreos morari.

Rupe muscosa et tumido reponis

aequora motu.

Quin dolores tu lacrymasque risu

admoves, tanta est tibi grata virtus.

Dulce dum rides niveos dant flores

lumina pratis.

Non meae vero lacrymae cadentes

et dolores animum lacessent?

Heu! puer preces tibi rite dicam

vulnere laesus!

                        Stephanus Urquiaga, S. J.