OGEI TA ZAZPIGARNEN KAPITULUA

Judas urkatan da. Jesus da azotatruk, eskarnezitruk, kruzifikatruk eta blasfematruk. Prodijio agitu zrenak bere iltian. Da sepultatruk, eta aren sepulkrua señalatruk eta guardatruk.

        1. Eltu baikoz goxa, sazerdotien prinzipale guziuak eta iriko Zarrek ekun zein konzeju Jesusen kontra ilaraztako.

        2. Eta deklaratan zabeilarik ilik izaiteko reo, eraman zebein lotruk eta entregatu presidentiari edo gobernazaliari, baizen Ponzio Pilatos.

        3. Gunian Judas, entregatu zaunak, ekustian Jesusi sentenziatruk; arrepentitruk egin zionaz, restituitu ztion ogeitamar zidarrezko deuriuak sazerdotien prinziper eta Anzianuer, erraiten:

        4. Nik bekatu egin dur, bada saltu dur odol inozentia: Zoini erran zein ek: Guri zer inporta zaigu? Kan konpon zte.

        5. Baya ura, arrojatan ziolarik deuria edo deirua tenpluan, fan zen eta egoxten ziolarik bere buriuari lazada bat, urkatu zen.

        6. Baya sazerdotien prinzipek, biltu baikoiz deuriak, erran zein: Ezta lizito sar ditzagun tenpluaren tesoruan, izaitian drena gisa odolaren saria.

        7. Eta tratatuz gero konzejuan, erosi zein ekin ontziegile baten alorra estranjeruen sepulturatako.

        8. Zoinengatik deitu zen alor erran dena Hazeldama, nai baitu erran, odolaren alorra, eta kola deitan da egunko egunian.

        9. Zoinekin xin zen kunplitra erran ziona antzinetik profeta Jeremiasek, erraiten baitu: Errezibitu dei zidarrezko ogeitamar deiriuak, saltako izari zenaren saria, segunta izan baizen baluratruk Isrraeleko semenganik.

        10. Eta enpleatu ztein ontzi egile baten alorraren erostian, manatu nindion bikala Jeinak.

        11. Izan zen bada Jesus presentatruk Presidentiaren antzinian eta Presidentiak galtegin zaun erranez: Zu zreya judiuen erregia? Erresponditu zaun Jesusek: Zuk erraiten tzu: ni nuzu.

        12. Eta obruago akusatan zabeilarik ere sazerdotien prinzipek eta zarrek, deus ezion erresponditu.

        13. Zoinengatik Pilatosek erran zaun: Etziua entzuten zomait gaizataz akusatan daizein?

        14. Arek ez deusi ezion erresponditu erran zaun edo erran zazkan guziuetaz; manera kalakuari baratu baizen Presidentia ezin obro marabillatruk.

        15. Kostunbre zion Presidentiak konzeditia, bazko xeyaren kausaz, libertadia reo bati, iriak eskojitu nai zionari.

        16. Eta nola baizakan okasione kartan karzelian fama anditako bat, izenez ziona Barrabas.

        17. Galtegin zion Pilatosek xuntatu zrener: Nori nai tzei solta dazaizein Barrabasi, edo Jesusi, zoini deitan baitabei Kristua edo Mesiasa?

        18. Zeren baizakion onki entregatu zabeila sazerdotien prinzipek inbidiaz.

        19. Eta zagolarik ura xaseririk bere tribunalian oiltu zaun erraitra bere emaztiak: Ezizte sar justo konen gaizetan, zeren baitra anitx kongoja padezitu tuanak egun ametstan, Aren kausaz.

        20. Bitartio sazerdotien prinzipalek eta Zarrek inzitatu zein iriari eska zedin Barrabasen libertadia eta Jesusen iltia.

        21. Kala da nola, galtegiten zabeilarik berriz Presidentiak, eta erraiten: Zoin bietarik nai tzei solta dazkidaizein, erresponditu baizein ek: Barrabas.

        22. Erreplikatu zabein Pilatosek: Zer egin biar dur bada Jesustaz deitiua Kristua?

        23. Erraiten dei guziuak: Izan deila kruzifikatruk. Eta Presidentiak: baya zer gaixki egin du? Baya urak asi zren irago andiago egitra, erraiten: izan deila kruzifikatruk.

        24. Zoinekin ekustian Pilatosek deus ez ziola antzinatan, leinaz bai aldi bapanian anditan zela tumultua, manatan ziolarik eragu lezeila ur, ekuzi ztion eskiuak iriaren agerrian erraiten: Inozente naz ni justo konen odolaz: kor edo kan konpon ztei xek.

        25. Zoini errespondituz iriak guziuak, erran zion: Eror deila Aren odola gore eta giauren semen gain.

        26. Gunian soltatu zabein Barrabas; eta Jesus, azotatuaraz geroz, entregatu zion beren eskiuetan izan zedein kruzifikatruk.

        27. Desegida Presidentiaren soldaduek, artan zeilarik Jesus eta izartan zeilarik Pilatosen pretorio edo palazioaren portikuan, xuntatu zren Aren unguriuan koorte edo konpañia guziua osorik.

        28. Eta belaizruk izartan zeilarik, estaltu zein granzko mantu batez.

        29. Eta irazkitan zeilarik ñardun korona bat, izari zabein buriuaren gainian eta kaña bat zetrotako bere eskoineko eskiuan; eta belairuko izarten zrelarik eskarniatan zabein erranez: Jangeikuak salba zitzala, judiuen Erregia.

        30. Txutx egoxten zabeilarik, artan zein kaña, eta buriuan eriten zabein.

        31. Eta kola artaz mofatu zrenaz geroz, gentu zabein mantua; eta izari zabeilarik berriz bere beztido propiuak, erkin zabein kruzifikatruk izaitra.

        32. Erkitian ziudadetik erden zein gizon bat Zireneko ume, izenez zionak Simon, zoini obligatu zabein karga zedin Jesusen krutxiarekin.

        33. Eta eltu zrelarik leku Golgota deiten dein batra, nai baitu erran, kalbariuaren edo kalaberen lekiua.

        34. Kan emon zabein edatra ardau nastekatruk gibel minekin baya Ark testatu ziolarik ez nay ekuntu zion edan.

        35. Kruzifikatu zeilarik geroz, errepartitu ztein beren artian Aren bestiduak egoxten zeilarik suerte, edo sortiatan zteilarik. Konekin kunplitu zen profezia erraiten baitu: Errepartitu zein beren artian Ene beztiduak, eta sortiatu zein Ene tunika.

        36. Eta xasertan zrelarik Ari xunto edo Aren altakan guardatan zabein.

        37. Izari zabein buriuaren gainian ele kuek entelegatra emoiten baizein Aren kondenazioniaren edo sentenziaren kausa: KAUR DA JESUS JUDIUEN ERREGIA.

        38. Tenpra berian izan zren kruzifikatruk Arekin bi ladron, bata eskoinara eta berzia ezkerriara.

        39. Eta kantik igartan zrenek blasfemiatan eta eskarniatan zabein buriuaz mueka egiten zabeilarik erraiten:

        40. O! Zuk desegiten tzuna Jangeikuaren tenplua eta iror egunez berritan tzuna, salba zte ziauri: Jangeikuaren Semia balimazra, xaix zte krutxetik.

        41. Gisa berian, baita ere sazerdoten prinzipek eskribain eta zarrekin batian, insultatan zabeilarik, erraiten zein:

        42. Berze banak salbatu tu eta bera ezdeiteke salba; Isrraeleko erregia balimada, xatx deila oray krutxetik eta xinetsen digu Artan.

        43. Arek edo Ark izartan du konfianza Jangeikuatan; bada Jangeikuak kainbat maitatan badau, libra dazaula oray, yaketa berark erraiten baizion: Ni naz Jangeikuaren Semia.

        44. Eta kori bera egotxtan zabein begitartiara baita ladron kruzifikatruk zaudenek ere Aren konpañian edo altaketan.

        45. Baya eguerditik aiketa arrastriko iroretak artio, baratu zen lur guziua edo estaltruk edo estalirik ulunguetaz.

        46. Eta iroren ordiuari abantxu, esklamatu zion Jesusek mintzo andi batekin erraiten: Eli, Eli Lamma Sabakthani? Nai baitu erran: Ene Jangeikua, Ene Jangeikua, zeren desanparatu naizu?

        47. Zoin entzutian unguriuan zaudenetarik zomaitek, erraiten zein: Eliasi deitan du konek.

        48. Eta bertan laster egiten etarik batek, artu zion esponja bat, busti zion ozpinian, eta izaririk kaña baten puntan, emoiten zaun txupa lezan.

        49. Berzek erraiten zein: Bego edo eitz zazei ekus zagun xiten zaunez Elias libratra.

        50. Gunian Jesusek, klamatan berriz mintzo andi eta oxen batekin, entregatu zion bere espiritiua.

        51. Eta instantian tenpluaren belua urratu zen bi puska edo zatitan gain bera eta lurra ikaratu zen, eta partitu zren arriak.

        52. Eta sepulturak iriki zren, eta anitx sainturen korpizak, il baizrenak, erresuzitatu zren.

        53. Eta erkiten zrelarik sepulturetatik Jesusen erresurrezioniaz geroz, xin zren ziudade saintiuara, eta aparezitu zren anitxer edo anitxi.

        54. Bitartio einturiako ofiziala eta arekin zaudenak Jesusen guardatan, ekustian lurraren ikareria eta agitan zrein gaizak, bete zren lotsaz, eta erraiten zein: Egiazki gizon kaur zela Jangeikuaren Semia.

        55. Zauden ere kan urriniarat anitx emazte, segitu baizren Jesusi Galileatik kuidatako aren asistenziaz edo asestimentiuaz.

        56. Zeinetarik zren Maria Magdalena, eta Maria Santiagoren eta Joseren ama, eta Zebedeuaren semien ama.

        57. Izaitian xa berant, presentatu zen gizon abrats bat, Arimateako seme, izena baizion Jose, zoin baizen ere Jesusen diszipulo.

        58. Kaur presentatu zen Pilatosengana eta eskatu zaun Jesusen korpiza, zoin manatu zion Pilatosek entrega lezabeila.

        59. Josefek bada artan ziolarik Jesusen korpiza, ungurakatu zion mantre sain batian.

        60. Eta izari zion beraren sepultura batian, zoin irikiarazi baizion peña batian, eta ez baizion zerbutxatu oraino ere; eta arrimatan ziolarik arri andi bat zerratu zion sepulturaren aua edo sartia, eta fan zen.

        61. Zauden kan Maria Magdalena eta berze Maria xaseririk sepulturaren aurkian.

        62. Biramenian, baizen neskanegunaren preparazioniari segitan zena edo neskanegun bera, akuditu zren xunto Pilatosengana sazerdotien prinzipalak eta fariseuak.

        63. Erraiten: Jeina, guartu gitra inpostor karek, oraino bizi zelarik, erran ziola: iror egunez geroz erresuzitaten naz.

        64. Mana zazu bada guarda deila sepultura irorgarnen egunia artio: fan ezitian berere gayaz bere diszipuluak eta ebats tzein, eta erran tzein iriari: Erresuzitatu da ilen artetik; eta izan dein azken engañua edo utsa gaixtuago ezik leina.

        65. Erresponditu zabein Pilatosek: Kor dakazei guardia. Ortzei eta izar zazei urdu zaizein guziua.

        66. Korrekin faitian kara, aseguratu zein onki sepultura, señalatan arria eta izarten edo isarten bixtazko guardiak.