Arratseko eginbidea

        Oratoriora erretirtu ondoan, pensa zazu aitziñean duzula Jainkoa; begira dagotzula ea noiz errendatuko diozun zure kontua; ur benedikatuaz ziñatuko zare, eta imajina saindu edo Gurutze bate aitziñean belhauriko egiñen duzu etsamena.

        Adora

Adoratzen zaitut humilki

Zeruetako Jainkoa,

Aita, Seme, Spiritu Saindu,

Ene Jaun egiazkoa.

Zu ere adoratzen zaitut,

Salbatzailea, hostian,

Gizonen eta aingeruen

Jaun Erregea glorian.

        Esker

Zordun natzaitzu hañitz onez

Egundaiñotik egiñez,

Bañan beregainki natzaitzu

Egun berritu dohaiñez.

Jauna, ematen darozkitzut

Ene eskerrak munduan,

Baita emanen ere bethi

Sainduen balsan zeruan.

        Galdegiñ

Ene Jauna, ene Jainkoa,

Ene Iguzki handia,

Zure argi saindutik dute

Gure arimek argia.

Galdez nagotzu, Jauna, argi

Bekhatuen bilhatzeko;

Arren, beraz argi nazazu

Bihotzaren xahutzeko.

        Etsamena

Ikhus ezak, ene arima,

Zer bekhatu egiñ duken,

Eta halaber zer ontasun

Egiñ behar utzi duken.

Hartarakotz konsideratzak

Ikhusi tuzken presunak,

Pensamenduak, hitzak, obrak,

Leku izan aizenak.

        Dolore

O Jainkoa, nigarren nago

Zu ofensatu baitzaitut,

Ene dolore handia da

Damu egiñ baitarotzut.

Barkhamendu eske nagotzu

Ene bekhatuengatik;

Dezplazer dut, eta dezplazer

Zure dezplazeragatik.

        Resoluzione

Deliberatzen dut fermuki

Ez bertzerik egiteko;

Eta egin tudan gustiak

Osoki konfesatzeko.

Ikhus dezazu Gurutzean

Enetzat zure Semea,

Eta barkha diezadazu,

Zeruko Aita emea.

        Reflekzione

Zenbat ediren izan dire

Goizean hillik ohean!

Bekhatuetan joan badire,

Erretzen dauden ifernuan.

Beraz zeiñ peril handietan

Jartzen da gauaz presuna,

Bekhatuez dolurik gabe

Lo egitera doana.

        Abisu

Eziñ egin badezakezu

Zure konfesionea,

Asaia zaite egitera

Zure kontrizionea.

O Jainkoa, nigarrez nago...

Bekhatuen konfesionea

                Confiteor Deo Omnipotenti...

        Konfesatzen natzaio Jainko bothere guzia duenari, Maria dohatsu bethi Birjinari, Mikael Arkanjelu Sainduari, Joannes Baptista Sainduari, Apostoluei, Piarres Sainduari eta Paule Sainduari, Saindu guztiei, hagitz bekhatu egiñ dudala pensamenduez, hitzez eta obraz: erraten dut ene falta, eta ene falta hagitz handia. Hartarakotz errekeritzen dut Maria dohatsu bethi Birjina, Mikael Arkanjelu Saindua, Joannes Baptista Saindua, Apostoluak, Piarres Saindua eta Paule Saindua, Saindu guztiak, eta zu, ene aita, othoitz egiteaz enetzat gure Jaun eta Jainkoari.

                Misereatur nostri...

        Jainko bothere guzia duenak digula bere miserikordia, eta guri barkhaturik gure bekhatuak, gida gaitzala bizitze eternalera. Halabiz.

                Indulgentiam, absolutionem...

        Jainko bothere guzia duenak, eta guziz onak digula bere grazia eta gure bekhatu gustien barkhamendua. Halabiz.

                In manus tuas, Domine...

Zuk ditutzu, Jauna, munduan

Gure arimak kreatu,

Eta hautan zure figura

Mirakuilluzki pintatu.

Enea zure eskuetan

Osoki dut gomendatzen.

Ah! Nik despistatu figura

Berriz bazindu pintatzen.

                Pater Noster, Ave Maria, Credo, Salve Regina, Angele Dei...

        Oraziñoak eta ezamena egiñ ondoan, othoitztu behar duzu Andre dena Maria, Josef Saindua, Aingeru Beiraillea, Patroin Saindua, etc... Gero elizarik hurbilenera itzulirik, adoratuko duzu Aldareko Sakramendu Saindua. Lehen egiñ zen haragi gure arimen hazteko; pausatzen dago kustodioan, glorian gu pausarazi nahiz. Ah! Nori ez zaio bihotza bolatuko harengana, hari eman beharrez onore, esker, eta amudio! Errazu: «o Jesus, indazu zure benediziñoa», eta ziñaturik ohean sartzean: «zure izenean dela, Jainkoa, indazu ungi hilzeko grazia»; edo errazu S. Luis Errege Franziakoaren othoitza:

                Banoa loaren hartzera,

                Jesus zure izenean;

                Gau eta egun beira nazazu

                Ene etsaien artean.

                Jauna, zuk odol dibinoaz

                Erosi nauzu munduan;

                Arren, errezibi nazazu

                Hil eta ondoan zeruan.

Loak hartzean

                Loak niri darostanean

                Zarratzen ene begiak,

                Zureak ene beiratzeko

                Iduk tzatzu idekiak.

                Pausatzen zarenaz geroztik,

                Jesus, ene bihotzean.

                Egidazu othoi grazia

                Ni pausa nadiñ zurean.

        Loa herioaren imajina denaz geroztik, orhoitu behar gare uste dugun baño lehenago hillen garela. Oren haren ondoan ezta izanen berze orenik guretzat; eztakigu noiz izanen den oren hura. Bitartean oren hura segurki izanen da; dagigun beraz orai zer ere nahi bagiñduke egiñ izan bagindu orduan. Ah! Itsutasunaren handia! Gure eternitateko egitekoan ez pensatzea! Eternitatea! Nork daki hi zer aizen, zeiñ aizen luzea.

Elizan sartzean

                Sarthuko naiz zure elizan

                Humilki adoratzeko

                Eta zure izen saindua

                Sainduekin laudatzeko.