 |
II. HILLEN OFIZIOA
Invitatorium.
Zatozte adoratzera
Zeruko erregea,
Zergatik haren eskutik
Baitugu bizitzea.
Dabitek Iainkoak adoratzera
bat bedera gonbidatzen du
Venite exultemus. Psal. 94.
1. Zatozte jende prestuak,
Iauna baithan boztera,
Zatozte salbatzaillea
Baithan allegeratzera.
Aithor diotzogun egin
Darozkigun ungiak,
Eta boz gaitezen haren
Kantatzen eresiak.
2. Zeren Iaunik handiena
Baita gure Iainkoa,
Hura berze Iongoikoen
Errege gañekoa.
Gu berriz haren beraren
Bihotzeko jendeak,
Hark eztitu arbuiatzen
Nihoiz ere bereak.
Haren eskuko dirade
Lurraren har xedeak,
Bere ezagutzen ditu
Mendien gargaiteak.
3. Haren propioa ere
Da itsaso urdiña,
Lehorra ere harena
Hark bere eskuz egiña.
Zatozte beraz Iaun handi
Haren adoratzera,
Eta haren aitziñean
Belhauriko iartzera.
Zatozte begietarik
Nigarrak isurtzera,
Zeren egin dugun hanitz
Falta haren aldera.
Eta, zergatik hura den
Gure kreatzaillea,
Hura gure Iainko eta
Habe eta iabea.
Eta gu halaber haren
Jende onheritziak,
Haren espill ederreko
Gu ardi bereziak.
4. Zatozte beraz guztiok
Haren adoratzera,
Eta hari zor diogun
Ohorea ematera.
Ezen Iaun hark berak gaitu
Hartara gonbidatzen,
Berak solas amundios
Bethe hauk idukitzen.
Aditzen tutzuenean
Ene ahoko hitzak,
Begiraukezue zeuren
Gogortzetik bihotzak.
Nola egin bitzituzten
Behiala zuenek,
Sinaiko desertuan
Aita bihotz gogorrek.
Zeñek baininduten asko
Aldiz aserrarazi,
Zituztelarik maiz ene
Gastiguak ikhusi.
5. Berrogoi urthez emeki
Egotu nintziaien,
Abisatzen nituela
Zirela enganatzen.
Alabañan hisiatu
Hek batere antsia,
Etziteen obran ene
Emateaz nahia.
Aserrerik iuramentu
Orduan egin nuen,
Ene errepausura nihoiz
Etzirela sarturen.
Iainkoa prestuentzat othoitzten da
Verba mea auribus. Psal. 5.
1. Iauna ene hitza zeure
Beharriz adizazu,
Eta ene dehadarra
Onez entzun ezazu.
2. Zaude othoi erne ene
Othoitzaren bozara.
O Iainko Iaun zeña ene
Erregea baitzara.
3. Goizean goizik iaikiko
Naiz zure othoitztera,
Zeren bethi prest baitzaude
Humillen entzutera.
4. Zuk ere lauda zakezu
Goizik ene othoitza,
Ezen zuk ikhusten duzu
Ene ondiko latza.
Badakit zuk eztuzula
Entzuten urgullurik,
Zeren ezpaituzu nahi
Ikhusi halako biziorik.
5. Ez eta gaixtorik hurbill
Dakizun aitzinera.
Ez hain guti ager dadin
Zure begitartera.
6. Aitzitik gaitzetzten tutzu
Handiro halakoak,
Gaitzetzten gizon gezurti
Eta barren falsoak.
7. Gaitzetzten tutzu oraño
Odol isurtzailleak,
Fiñean gaitzetzten doble
Eta tronpatzailleak.
Bañan Iainko ona nitzaz
Denaz bezanbatean,
Miserikordia handi
Fidaturik zurean.
8. Ausartzen naiz zure tenplu
Sakratuan sartzera,
Ikhara handiarekin
Zure adoratzera.
9. Eta humillki othoizten
Zaitut arren enea,
Iustutaunean gida
Dezazun bizitzea.
Xuxenki gida dezazun
Arren zeure bidean,
Xuxen ibill nadin zure
Begien aitziñean.
Ezen etsaiak darraizkit
Laster eta khexarik,
Zeharreko bidetara
Basarazi nahirik.
10. Hekien ahotan ezta
Behin ere egiarik,
Behin ere bihotzetan
Baizen arintasunik.
11. Hobi ideki bat hekin
Diduri eztarriak,
Zeñak banatzen baititu
Usain iguñgarriak.
Bere mihiez dituzte
Sinpleenak tronpatzen,
O Iongoiko iustua hek
Gastiga tzatzu arren.
12. Eztietzetzula bere
Gogoetak balia,
Bañan nola hekin baitu
Hobenak merezia.
Haiza tzatzu urrun zeure
Begitarte saindutik,
Zeren baitzaituzte zeure
Altaratzen gozotik.
13. Eta kontra zeuregana
Deit etzatzu iustuak,
Emateko plazere eta
Bozkario sainduak.
Egizu zeure egoitza
Othoi hekien artean,
Eta fabora etzatzu
Premia dutenean.
14. Gloriarazi detzazu
Hek othoi zeure baithan,
Zure izena iduki
Zeren duten ezertan.
Hek berze guztietarik
Iauna bedinka tzatzu,
Eta zeure dohain eta
Graziez bethe tzatzu.
15. Geriza etzatzu zeure
Erredola handiaz,
Fiñean khoroa zeure
Sekulako gloriaz.
Gure ere egikeguzu
Othoi fabore bera,
Errenda diezazugun
Hekin balsan eskerra.
Bethiko errepausua
Emotezu arimei,
Eta bethiko argia
Erakutz hekin begiei.
Bekhatuen barkhamendu eskatzen da
Domine meum. Psal. 6.
1. Ez nazazula mehatxa
Iauna zeure aserrean,
Ez eta puni kolera
Handian zarenean.
Zeren dudan zure lege
Saindua mesprezatu,
Eta haren kontra egin
Nabarbenki bekhatu.
2. Bañan Iainko bihotz bera
Zuk nauzun urrikari,
Eta othoi senda nazazu
Zergatik bainaiz eri.
3. Ezen iharrosi zaizkit
Hezurrak iunturetan,
Eta arima nahasi
Bere egin bidetan.
Aspaldion dakusazun
Legez, dut lazeria,
Nauzun beraz urrikari
O Iongoiko handia.
Noiz artean duzu bada
Iaun ona beranduko
Noiz artean nauzu pena
Hautzaz gaztigatuko.
4. Khexa zaite arren othoi
Ene faboratzera,
Eta ene arima ondiko
Hautarik libratzera.
Zer progotxu duzu berdin
Ene hagorantzeaz,
Eta ene bekhatua
Herioz punitzeaz.
5. Ezen herioan ezta
Zure orhoitzapenik,
Ezta ifernuan ere
Zure ungien aithorrik.
6. Damu eta dolore dut
Handia bihotzean,
Zergatik egin dudan hutz
Zure saindu legean.
Gauoro nigar isuriz
Ohea dut bustitzen,
Gauoro neure azpiko
Ohazura hezatzen.
7. Ene begi larrian da
Iauna ezagun aski,
Zure kolerak duela
Hagitz nahasarazi.
Gauza bera ezagun da
Oraño gorputzean,
Zeren goiz zahartu bainaiz
Neure etsaien artean.
8. Guztiarekien badut
Oraño esparantza,
Urrikaldurik entzunen
Duzula ene othoitza.
Aparta zakizkidate
Beraz etsai goseak,
Ezen Iaun onak entzutik
Ene auhen tristeak.
9. Bai Iaun onak ikhusi dik
Ene nigar ixtilla,
Eta bere karguz hartu
Ene othoitz humilla.
10. Zuek ere ahalke eta
Ikhara handirekin.
Harengana itzul zaitezte
Eta urrikirekin.
Eska zakizkote zeuen
Falten barkhamendua,
Ezen bihotza dik guztiz
Urrikalmendutsua.
Bethiko errepausua, &c.
Iongoikoa othoizten da
etsaietarik begira gaitzan
Domine Deus meus. Psal. 7.
1. O munduaren iaun eta
Ene iabe handia,
Zure baithan ezarri dut
Esparantza guztia.
Arren zuk libra nazazu
Neure etsaietarik,
Kalte egin nahiz hurbill
Darraizki danetarik.
2. Begira nazazu othoi
Flako eta erbala,
Ez naramaten lehoñek
Ardiantza bezala.
Guztiz nerori bakharrik
Ikhusten nautenean,
Zure faborea hurbill
Eztudala aldean.
3. O ene Iongoiko ona,
Baldin bidegaberik,
Noizbait egin banaroe
Edo atsekaberik.
4. Baldin bihurtu banio
Gaizkiari gaizkia,
Merezi onez nezala
Paira hekin furia.
5. Merezi onez ondotik
Laster lerraizkidala,
Eta bidean unherik
Atzeman nentzatela,
Merezi onez ostika
Nentzatela lurrean,
Fiñean merezi onez
Errabill herrautsean.
6. Baña Iauna eztaroet
Deus egin halakorik,
Aitzitik baizen ontasun
Eta baitzen plazerik.
Hartarakotz othoi zeure
Alkhitik iaiki zaite,
Eta asererik hekin
Bidera illkhi zaite.
7. Iaiki zaite eta illkhi
Zakizte aitziñera,
Zeronek agindu duzun
Hitzaren arauera.
Hala egiten baduzu
Jendea saihetsera,
Billduko zaitzu fabore
Premian eskatzera.
8. Igan zaite bada othoi
Zeure akhi gorara,
Eta emazu sentenzia
Gaixto hekin kontrara.
9. Halaber ikhus ezazu
Ene inozenzia,
Eta nik sofritzen dudan
Bidegabe handia.
10. Puni tzatzu Iauna hekin
Bekhatu ehortziak,
Eta bide onaz gida
Iustu, diren guztiak.
Zuk klarki ikhusten duzu
Presunaren bihotza,
Zuk irakurtzen zer haren
Barrenean baitatza.
11. Zu zare ene iabea
Zu ene faborea,
Zu penetarik presuna
Onen libratzaillea.
12. O Iainko ona zu zare
Gure iuje iustua,
Zu borthitza zarelarik
Halarik pairutsua.
Hekin kontra egunoro
Zu zare aserratzen,
Hekin kontra ezkenean
Kolera deskargatzen.
13. Zenak ez baitire nihoiz
Konbertitzen onera,
Bañan aitzitik baitoaz
Gaixtatuz aitzinera.
Hekin kontra duzu zeure
Ezpata ailteratzen,
Hekin kontra zeure arku
Zeharra arrimazen.
14. Hei daroezu herio
Tristea preparatzen.
Hei xixmixtak bezain laster
Tragazak artikitzen.
15. Halakoak bada zaizkit
Egin niri altxatu,
Halakoek darotate
Asko gaitz desiratu.
Bere buruei daroe
Hek ordean kaltea,
Preparatzen bere buru
Gaxoei dolorea.
16. Bere buruei hobiak
Darozte idekitzen,
Bere buruak hetara
Azkenean etxatzen.
17. Eta hala zoratu hek
Niri egin ustea,
Bere buruei daroe
Ordenatzen kaltea.
Hauk guztiak ikhusirik
Nik zure iustizia,
Laudatzen dut eta zuri
Kantatzen eresia.
Bethiko errepausua, &c.
Aporta inferi.
Iauna ona arren arima
Defuntuak lezetik,
Lehen bai lehen athera
Tzatzu purgatzekotik.
Pater Noster.
Ioben lekzioneak
Iainkoa barkha diozon othoitzen du,
bere biziaren laburtasuna dela kausa,
eta bere lastimen kausaz
Iob. 7.
Barkha diezadazu laster othoi neure Iauna, ezen ene egunak deus eztire, zer da gizona non hanbat eritzten baituzu. Eta zergatik ematen baituzu, zeure bihotza hanbat haren baithara. Goizean begiratu diozun bezain sarri bere hala frogatzen duzu. Noiz artean eztarotazu barkhatuko, eta eztarotazu neure thuaren iretzteko arterik utziko. Hutz egin dut zereginen darotzut bada, o gizonen begiratzaillea? Zergatik egin nauzu neure hegi, eta neure buruaren unhagarri? Zergatik eztarotazu barkhatzen neure bekhatua, eta aldaratzen neure bidegabea. Huna non sarri herrautsetan lo eginen dudan, eta goizean billhatzen banauzu oñen gañean izanen ez naizen.
Resp. Credo quod.
Sinhetzten dut ezen ene
Iainko erostzaillea,
Zeruetan bizi dela
Maiestatez bethea.
Bai eta naizela azken
Egunean bitztuko,
Eta hura neure begiz
Dudala ikhusiko.
Hura diot ikhusiko
Dudala nik neronek,
Eta ez enetzat berze
Munduan bizi denek.
Iainko, barkhatzera ertxatzen du,
bere pena handien kausaz
Tadet animam. Job. 10.
Ene arima unhatu da ene biziaz itzuriko zait hitza zure kontra. Mintzatuko naiz izare arimaren behakunean, eta erranen dut ez nazazula kondemna. Aditzera emadazu zergatik hunela punitzen nauzun? On iduri bide zaitzu ene desohoratzea, eta ene zeure eskuko obraren nekhatzea. Eta gaixtoen konseilluaren faboratzea. Zure begiak haragizkoak othe dire, gizon kruel batek bezala begiratzeko. Zure egunak gizonarenak bezalakoak othe dire, eta zure urtheak harenak bezalako, ene gaixtakeria billhatzeko, eta ene bekatuari iarraikitzeko. Dakizularik gaizki garabik egin eztudala. Eta dakizularik orano, egin duenik nihor zure eskuei ezin itzur dakikeela.
O Iaun Lazaro hobitik
Iraiki zinduena,
Iadanik busteltzen eta
Usaintzen hasi zena.
Eman diezezu othoi
Errepausu arimei,
Purgatorioko suan
Pena dakusatenei.
Hill eta biziak suaz
Iuiatuko tutzuna,
Egiezu othoi laster
Halako ontasuna.
Bere erbaltasuna dela kausa Iainkoa,
barkhatzera ertxaten du
Iob. 10.
Zure eskuek Iauna, egin naute eta inguru guztian moldatu naute; eta halarik hain laster buruz behera etxatzen nauzu. Orhoit zaite nona basaren pare egin nauzun. Eta herrautsetara bihurtuko nauzun. Ez nauzu iaitzi esnea bezala eta gatzatu gasna bezala? Larruz eta haragiz bestitu nauzu, eta hezurrez eta zañez osatu. Bizia eman darozatu eta egin asko ontasun. Eta zure begi erneek begiratu naute.
Harritzen naiz neure faltez
Orhoitzen naizenean,
Ea nola egertuko
Naizen zure aitziñean.
Iautsten zarenean mundu
Handi hau iuiatzera,
Eta nori bere paga
Iustua ematera.
Ez nazakezula Iauna,
Arren othoi kondemna,
Zergatik egin dukedan
Zure kontra hobena.
Liberame.
Sekulako heriotik
O Iaun bihotz emea,
Ene arima guarda zazu
Beldurkundez bethea.
Begira zakezu egun
Larri eta aserrean,
Zeru lurrak iharrosten
Hasiko direnean.
Egun hartan diot iuje
Zenetan zu iustua,
Iautsiko baitzare suaz
Iuiatzera mundua.
Ikharatzen naiz Iauna eta
Izitzen bihotzean
Egin izigarri hartzaz
Orhoitzen naizenean.
Zeñetan gauza guztiak
Baitire urratuko,
Zeruko argizagiak
Goibelaz ilhunduko.
Egun hura izanen da
Egin koleratsua,
Egun lastimatsu eta
Egun espantutsua.
Egun parerik gabea,
Handi eta garratza,
Zeñetan triste baituke
Bat bederak bihotza.
Requiem.
Bethiko errepausua
Emotezu arimei,
Eta bethiko argia
Erakutz hekin begiei.
|
|
Elizara erabiltzeko liburua
hurrengoa