SABEL ALDE BATEKO BI SEME AINGERU

        1895'garren urtean, Anjel Senosiain Zubillaga ta Maria Cruz Iriarte Arraiz, Larrasoña'ko senar-emazte ta GOLDARAZ'KO BERSOLARIA'ren aideak, seme bi, bikiak, izan zituzten. Baño egun gutxi barru, Jainkoak eraman zitun bere ondora.

        Guraso gaixo aiek poz aundia artu zuten, beren oñaze gogorraren erdian, gure bersolariaren itzakin, eta, arren, bere biozkadak bersotan jartzeko eskatu zioten.

        Eta bai ederki jarri ere!

Larrasoña'ko kristau

elizkoi txintxoak,

Anjel Zubillaga ta

Mari Kruz gaixoak,

aingeru eder oken

bien gurasoak,

gaur eskatu didade

jartzeko bersoak.

Ara zer izan duten

beren familian,

nola bizi bai diren

Jainkoan pakian:

sei minuturen barnen

bi seme argian,

San Ramonen laguntzaz

erditza batian.

Adan ta Ebak egin

zuten pekatua,

geroztikan jaiotza

dago mantxatua;

baño Jesus il bai zen

gurutz-iltzatua,

ara zergatik degun

bataio santua.

Gaua pasatu eta

bigaramonian,

bataiatu ziraden

beren parrokian,

paratzeagatikan

estadu obian,

mantxa ori kenduta

zerura bidian.

Lenbizi -jaio zana

Anjel Sotero zan,

iru egun buruan

zerura igo zan;

andik sei egunera

anaia're juan zan,

zori ederragorik

etzaketen izan.

Orra zer zori duan

bataioan gero,

ezagera baño len

emen il ezkero:

zeruko abogadu

eta heredero;

ok ola izango dira

orain eta gero.

Au atsegin gozoa

gurasoendako,

baita're bataiatu

zituztenendako,

beren, senide eta

aidearendako:

gau t'egun erregutzen

daude denondako.

Sabel alde bateko

bi seme aingeru,

Jesus ta Mariakin

zeruan dauzkagu;

egun batean alkar

ikusiko degu

eskuñeko bidetik

segitzen badegu.

Ez dakit denak baño

bai beintzat geienak,

gurasoak umeaz

izaten du penak;

gaur berriz, zori-ona!

aitak eta amak,

baita're bataiatzen

izan ziradenak.

Komeni da ikastea

gauz ok nola diren,

oroipena izateko

beti denak emen.

Jesus, sartu gaitzazu

zeruan barrenen!

Ala gerta dedilla

guziokin, Amen.