ETORRI BEARKO DU TRIPOTA JATERA!

        Azpiroz'tar Manuel Jauna, Odeizko Apez egin zutenian, bere illoba, Andres Astiz'ek bidali zion zorionagur xamur eta gozo au, dena bersotan.

        Berso auek ez daude osorik.

        Lenbiziko karta-papera galdu zen eskuz esku ibillita edo. Baño zortzi berso polit ok beiñepin ez dira galdu, eskerrak Lekunberriko Zenona Goldarazena'ren buruari. Berak gorde ditu buruan ainbeste urtez, eta berak erakutsi dizkigu.

Don Manuel Azpiroz

Odeizko apeza

eskuz esku doaien

karta au artu beza.

Aspaldian egiñik

zedukan ametsa

pozez gaur betetzen du

berrorren biotza.

Nolabait festatzeko

orren ibillera,

egun ederrerako

elkartuko gera.

Presto egonen dira

koxta ta platera.

Etorri bearko du

tripota jatera!

Aitzaki bat bakarra

aski du berekin;

eizera atera bedi

bere zakurrakin.

Asko poztuko gera

denok berorrekin;

zakurra aseko da

axal-ezurrekin.

Illek ogei ta amar

astelenarekin,

txerria ilko degu

guk egun orrekin;

pakean afaltzean

tripuliñarekin,

Brindo! egiñen dugu

pattar goxoakin.

Baldin ez bazaio ongi

astelenetikan,

guri berdintsu zaigu

ostegunetikan;

txerri gaixoa pozik

gizentzeatikan,

egun batzuz bizia

luzentzeatikan...

Bakarrik ez bada trebe

ona etortzeko,

bi lagun artu bitza

ongi laguntzeko:

itsua alde-batetik

bidia ikasteko;

mutua beste-aldetik

kontuk kontatzeko...

Ogi eta ardoa

gazta zarrarekin,

ibilli ditzakete

sasoi onarekin;

olako gozamenik

ez dago gurekin,

guri tokatzen zaigu

beti urarekin...

Esan dutan esana

berriz esateko

ia konpontzen al den

ona etortzeko,

elkarrekin Jainkoai

esker emateko,

ta egun bat gozoa

denok izateko.