ZU MAITATZEA BEZAIN ERRAZA

 

Ezer ez delako izango

zu maitatzea bezain erraza

ez dut aurrera jarraitu nahi

altxatzera behartuko nauzulako

makurturik egon nahiago dudanean

errazagoa zelako zure morroia izatea

erantzukizunik ezarri beharrean

gehiegi pentsatu behar ez nuelako

garrantzitsuena zer zen argi zegoelako

galdera guztiek erantzuna zeukatelako

ziurgabetasuna zera ezezaguna zen

beste ate guztiak itxita zeudelako

eta ez zidan axola.