GURASOAK

 

Ireki ezazu gelako leihoa uda sar dadin

hauxe dugu asteko egun libre bakarra

eta ez dugu alferrik eman behar

ez egin erosketarik

kanpoan bazkalduko dugu eta

kale eta kantoiez osoturiko labirintua den

auzo honetatik irtengo gara

egunerokoa ikusi behar ez izateko

aprobetxatu beharko ditugu

ordu gutxi hauek

inor ez baitugu aiduru

inork ere ez gaitu zain

libreak gara goiz hau bezalakoa

kotxez aldenduko gara hiritik

leihatilak beheraino jaitsita

haizeak gaztaroko abestiak

gogoraraz diezazkigun

bion hondartzaraino joango gara

elkarrekin eusten digun zinak

hantxe bertan dirauela egiaztatzeko.