ARGIARI SINISTU NAHI

 

Gurasoek elkar maite ote duten

gauero galdetzen diozu sabaiari

zure ardura ez dela erantzuten dizu

abiapuntua ibilbide baten garrantzitsuena

   ez dela

ulertu nahi zenuke

baina bidea hutsik duzu

eta amildegia baino ez dago aldeetan

kate malgua nahiko zenuke

zerbait galdu behar duzula irabazi

   ahal izateko

sinistu nahi ez duzulako

itxaropenak ziria sartzen dizu egunero

egunero eguzki berria baitakar

eta zuk, sinistu egin nahi diozu argiari

noizbait eten ez egiteko.