ETORKIZUNAREN GRABITATEA

 

Zure iragana eratu zituen

gauzak atera nituen atzo

ezberdina zarela

gogorarazten dizkidan gauzak

zuk haietan utzitako aztarna

aldaezina delako

zu nolakoa zinen

berreskuratuko nuke

atzo ateratakoa erakustekotan

maiz esaten diot neure buruari

urte ilunak izan zirela

etsipenaz oroitzen dudan arren

zailtasunean bizi naizenetik

beharbada haietako ezer itzuliko ez delako

zer ekarri nahi dut iraganetik

orainaldian hil egingo nukeela

baldin badakit?

agian nahi dudan bakarra da

amildegi bihurtutako

etorkizunaren grabitatea ez sentitu

orainaldiaren etengabeko

bultzakada bakoitzean.