ABESTI EUSKOTAR BATZUK
EGUZKIRIK GABE!
Mendi atzerantz joan da eguzki garbia. Eguzki eder hori, Urtzik izekia izan da beti eusko guztien argia: argi gaberik orain, a, zer ilundia!
Atsekabe garratz hau zein negargarria! Estutasun beltz hauxe zein estu-larria! Mendi-haruntz ezkeroz asaben euzkia, mendi-honuntz hauetan hil da gure Herria!
Hil danetik Aberri maite eta gaixua, eguzkia itzalirik etorri da gaua: Gau beltz hori omen da eusko soinekua; bai eta gure negarra ontzaren ulua.
Zer ulu, zer urubi! Gaua nolakua! Eguzkirik gabe eta Euskadi hiloztua! Negar egizu, negar umezurtz euskua, jaurtiki arteraino azkengo malkua!
ABESTI EUSKOTAR BATZUK |