JOAN ZAN!

 

Joan zan Sabin Arana,

joan zan Jaunarengana.

Ene Aberri maite, kutun, bihotzekoa

orain Erkaba gabe, zein zori gaiztoa

zein zori gaiztoa!

 

Hostoak erori dira

lurrerantz biraka bira:

Aberri kutun ene, galdurik euskera,

zer izango gera?

 

Hosto guztiak orbeldu...

Zuhaitz adarrak ihartu...

Orbel eta zuhaitzak sargoriz hil dira:

Euskadi hego-gaitzak darama hobira

darama hobira.