Hutsatik esperantzara
Joan Mari Irigoien

GAK, 1975

 

 

XI

 

         “Charlot”:

Hamar egun triste jasan ondoren

                “Argiak hirian”,

                zure filme eder hori

                              ikusi nuen.

Ez noa

          HITZ HANDIRIK esatera,

ezta,

          artifizialki,

                    zure izena aireatuko...

Bainan zerbait behinik behin

          esan nahi nizuke:

     Hitz hotzen beharra

              madarikatu zenuelako,

          horregatik...

     Hamar egun ilun horien ondoren

              irripar zabal bat

                   erregalatu zenidalako,

          horregatik...

              Eskerrik asko

                   “Charlot”.

 

 

Hutsatik esperantzara
Joan Mari Irigoien

GAK, 1975