Hutsatik esperantzara
Joan Mari Irigoien

GAK, 1975

 

 

IV

 

Diktadura

       — batena eta bestearena —.

Demokrazia

       — batena eta bestearena —.

Herria

       — batena eta bestearena —,

eta ez dakit

       zenbat sistema

              eta gauza gehiago.

Batzuek agintzen beti...,

       besteek ogi papurrak jan...

Batzu goian

          eta

       besteak behean...

Ni berriz hemen,

       mundu mugatu honetan,

              sarritan bezala,

                     gehienetan bezala,

bakarrik...,

       edozein sistematan,

              edozein herritan,

                     “desadaptatu”

                            bat

                     izanen naizen

                        zihurtasun hutsarekin.

Eta ez uste

       “desadaptatu”

                  bat

            izateak

      herririk ez maitatzea

            edo

      sistema guztiak berdintzea

            esan nahi duenik.

      Agintzea ez dut gogozko.

Agindua izatea ez zait atsegin.

Honengatik

“desadaptatu”

bat

izanen naiz,

bainan hori ere...

Jainkoari eskerrak!.

 

 

Hutsatik esperantzara
Joan Mari Irigoien

GAK, 1975