Hutsatik esperantzara
Joan Mari Irigoien

GAK, 1975

 

 

I

 

Altza:

      zu zinen nire jaioterri.

Ume nintzenean

      nire etxeko leihoak

            azkatasun bideak ziren.

Ume nintzenean

      zure odola

            berde-berdea zen,

         eta

zure magalean

      aurkitu nuen ama lurra.

Ume nintzenean

      mundu guztia

            agurtzen zen.

Zure odol berdean,

      pinpilinpauxak,

      xoriak,

      errekak,

      zuhaitzak,

                              gizonak...

      izadia nuen maite!

      Otso

            diru-zurrupatzaileak

                  etorri ziren arte.

Aurrerapenaren izenean,

              errekak zikindu,

              airea kirastu,

                        eta...

                                 M

                                  i

                                  l

                                  a

                                  P

                                  i

                                  s

                                  u

                                  k

                                  o

                                  D

                                  e

                                  a

                                  b

                                  r

                                  u

                                  a

                                  k

                                altxa

                              dituzte

Erraldoientzat

      aupatutako hilobiak

            diruditen

                  dorre zatar horiek...

                              zure berdea

                              lurperatu dute.

Hauts,

    ke,

        eta

            zimendu,

lehen izadi bizia zinena,

orain kanposantu.

Izadi sarraskitua,

hila...

           Izadiarekin bat,

           gizonen begiratua ere

                             hotza...

                             Herri arrotza!

                             Herri-toki?

                                  Zerri-toki...!

        Ume nintzenean,

              bai,

                     nire etxeko leihoak

                                         azkatasun bideak ziren.

                                         Orain berriz,

                  preso baten

      leihoak

dira.

          Dilin                                         Dalan

                       Hemen bukatzen da

          Dilin                                         Dalan

                               herri baten

          Dilin                                         Dalan

                                  historia

          Dilin                                         Dalan

                                   Dalan.

 

 

Hutsatik esperantzara
Joan Mari Irigoien

GAK, 1975